منتدى صبايا كول

يمنع وضع روابط لمنتديات اخرى الافي التبادل الاعلاني


    اياكي تجلسي مع جدتك ليلة اختبارك

    شاطر

    نودي

    عدد المساهمات : 15
    تاريخ التسجيل : 26/06/2009
    العمر : 23
    الموقع : أم الدنيا

    اياكي تجلسي مع جدتك ليلة اختبارك

    مُساهمة  نودي في الجمعة يونيو 26, 2009 4:38 pm

    ممكن الكلام مصري حبتين بس لذيذ


    بسم الله الرحمن الرحيم

    دى قصه واحد قعد مع جدته ليله الامتحان:

    الله أكبر الله أكبر..أذان الظهر..

    الجدة : يارب.. يارب بحق ده الآدان تنجح يا نون يابن ابنى وأشوفك دكتور أد الدنيا

    الحفيد : ياستى بس أنا فى تجارة

    الجدة : - وماله يابنى هو يكتر على ربنا...... ده ربنا قادر على كل شئ

    الحفيد : ياستى ونعم بالله بس اللى بيطلع دكتور لازم يكون فى كلية الطب مش التجارة-

    الجدة : ياللا تجارة تجارة ..ومالها التجارة ..دى حتى التجارة شطارة..ده الله يرحمه جدك كان تاجر فى الوكالة أد الدنيا-


    الحفيد : ياستى التجارة اللى فى الوكالة حاجة واللى فى الكلية حاجة تانية-


    الجدة : ع العموم شد حيلك أنته وانا أخلى جدك يخدك معاه الوكاله عشان تتدردح وتتودك فى السوق-


    الحفيد : جدى إيه اللى هايخدنى معاه .....ده جدى مات من زمان ياستى-


    الجدة : يامصيبتى عبد الواحد مات..ياحبيبى ياأخويا..مكنش يومك ياسبعى-


    الحفيد : ياستى ده ميت من تلتين سنة-


    الجدة : تلتين سنه..ده العمر بيجرى ياولاد تصدق ولا حسيت بيهم....ياللا أهو غار فى داهيه....قطع وقطعت -سيرته..ده كان بخل الدنيا فيه..أن ما عمره دخل عليه ببطيخة ولاكيس جوافة


    الحفيد : ياستى حرااام عليكى عايز أذاكر بقى-


    الجدة : يوه..وأنا ماسكاك ياوله..ذاكر ...ذاكرعشان ربنا يكرمك وتنجح وتاخد الدبلون-


    الحفيد : ياستى دبلون إيه..أسمه البكالوريوس-


    الجدة : أنته عتضحك عليه ياوله..أسمه الدبلون الواد ابن فايزة جدع زيك كده فى مدرسة التجارة وخد الدبلون-


    الحفيد : خلاص دبلوم دبلوم ياستى ..سيبينى بقى عشان أذاكر -


    الجدة : -ذاكر ..ذاكر ياأخويا ذاكر... تعرف ياواد ..ندرن عليا يوم ماتنجح لأكون رايحه خاطبالك عبير بت رئيسه....دىإيه ياواد.. أدب وأخلاق..وعلام كمان


    الحفيد : ياستى عبير دى معاها أعدادية-


    الجدة : -وماله يابنى ...الراجل مايعبهوش إلا جيبه


    الحفيد : راجل ...راجل مين ياستى...عبير دى بنت -


    الجدة : -عبير ...عبير مين ياوله..أنته بتعرف بنات من ورانا


    الحفيد : لا إله إلا الله....أبوس رجلك ياستى أرحمينى بقه -


    الجدة : -طب ذاكر....ذاكر جتك نيله وأنته طالع براوى كده زى أمك....قطعت وقطعت سيرتها...أنامش عارفه أبوك كان أجوزها على إيه..حكم...قال لبس البوصة تبقى عروسة..بس واللى نبى النبى نبى لكون مبوظه الخطوبة دى ومجوزاه أنيسة بت أختى


    الحفيد : -ياستى خطوبة إيه..أبويا مجوز أمى من خمسة وعشرين سنة ..وبعدين أنيسة دى بنت أخوك مش بنت أختك ..وأساسا إنتى ملكيش إخوات بنات


    الجدة : صحيح ياوله ..أنته عندك حق أنا مليش إخوات بنات..أصلى أناأمى ماكنتش بتخلف صبيان-


    الحفيد : حرااااااااااااا ااااااااااااااا اااااام ............ستى ماتطلعى البلكونة شويه ...ده الهوا حلو بره -


    الجدة : لأياخويا....فى جدع كده حليوه وشعره مسبسب فى البلكونه اللى فى الوش بيقعد يعاكسنى-


    الحفيد : خلاص روحى المطبخ ...أهو زمان أمى خلصت الرز-


    الجدة : رز...رز إيه يابنى....هوأنا ليه سنان للمكرونه...أناهطلع البلكونه أحسن-


    الحفيد : طب أبقى خلى بالك م الهوى ياستى-


    الجدة : هوى لما يلطشك يا وله -

    *****


    الحمد لله أخيرا خرجت وقدرت أذاكر .. رحت الأمتحان تانى يوم وربنا كرمني وحليت كويس لكن للأسف المراقب سحب مني الورقة

    قبل ما أكتب أهم حاجة فيها


    ياترى أنا كان إسمى إيه؟؟ ياترى كان إسمى إيه؟؟
    انا مين انا ليييييييه انا ازااااااى

    سوسو

    عدد المساهمات : 14
    تاريخ التسجيل : 24/07/2009

    رد: اياكي تجلسي مع جدتك ليلة اختبارك

    مُساهمة  سوسو في الجمعة يوليو 24, 2009 6:20 am

    مشكووره قلبوو
    اييه دي القصه الحلوه كدا<<انقلتب مصريه


    تحياتي سوسو

    الحلا كله

    عدد المساهمات : 83
    تاريخ التسجيل : 26/11/2009
    الموقع : قلب حبيبي

    رد: اياكي تجلسي مع جدتك ليلة اختبارك

    مُساهمة  الحلا كله في الجمعة نوفمبر 27, 2009 10:00 pm

    يعطيك العافيه ع القصه

      الوقت/التاريخ الآن هو الجمعة ديسمبر 09, 2016 4:30 am